當新一代嘅文化參考框架已經係 Marvel 多過民間故事，我哋更加需要用佢哋嘅語言，重新講好香港故事。 前幾日，有位親戚帶住小朋友去行山，順便認識下香港地標「望夫石」。本來係一堂生動嘅文化課，點知小朋友抬起頭，一臉認真咁問： 「點解嗰個人背脊孭住把劍㗎？」 大人答：「呢個係望夫石嚟㗎，傳說有位婦人……」 小朋友即刻搶白：「係 Deadpool 嚟㗎！」 由嗰一刻開始，喺佢個小宇宙入面，望夫石正式改名做「Deadpool 石」。 笑完之後，我哋認真諗咗一個問題：對好多新一代細路嚟講，超級英雄、Marvel 角色，先至係佢哋最熟悉嘅文化符號，民間傳說反而變得遙遠。咁係咪代表香港文化冇人接得住？我哋覺得唔係——關鍵係，我哋有冇用佢哋識嘅語言，去重新講好呢啲故事。 StoryTellAR「DIY-AR 遍遊香港尋寶遊戲」想做嘅，正正係呢件事 我哋好榮幸獲頒香港政府發展局 CSDI PoC 計劃獎項。透過將香港空間數據結合 AR 擴增實境技術，學生可以親身走訪香港地標，邊行邊學： 3D 地圖定位，跟住路線探索真實場景 AR 鏡頭互動，喺現場睇到平時睇唔到嘅